लोकसत्ता आणि महाराष्ट्र टाईम्स , या वर्तमानपत्रातील बातम्यांमुळे अभिवाचनाच्या स्वरुपातील नाटकाला महाराष्ट्राच्या विविध शहरी भागांमधून उदंड प्रतिसाद मिळत आहे.जूनमध्ये कोल्हापूर आणि रत्नागिरी ह्या दोन शहरात आम्ही प्रयोग केले.

एरव्ही "लैंगिकता" या विषयावर मोकळेपणाने बोलायची पद्धत नसली तरी प्रयोगानंतर प्रेक्षक या विषयाच्या भावनिक आणि मानसिक पैलूंबद्दल चर्चा करीत होते.

कोल्हापूरमध्ये प्रयोग सर्वांसाठी खुला होता. त्याचे वैशिष्ट्य म्हणजे, या प्रयोगाला समाजकार्यकर्ते, डॉक्टर्स, रंगकर्मी यांच्या बरोबरीने काही सेक्स वर्कर्स देखिल उपस्थित होत्या. आणि त्यांनी देखिल चर्चेत भाग घेतला.

रत्नागिरी मध्ये आयोजकांनी मात्र फक्त स्त्रीयांसाठी प्रयोग आयोजित केला होता. त्या प्रयोगानंतरची चर्चा फारच रंगली.या विषयावर मोकळेपणाने बोलायची सर्वच वयोगटातल्या स्त्रीयांना किती गरज वाट्ते , ते जाणवले!

तिथे एका डॉक्टरांनी अशी सूचना केली की, प्रयोगाच्या वेळी स्त्रीयांच्या जननेंद्रियांबद्दल व लैंगिक अवयवांबद्दल माहिती देणारी एखादी पुस्तिका ही प्रेक्षकांसाठी उपलब्ध करून द्यावी. प्रेक्षकातून या सूचनेचे मोठ्या प्रमाणात स्वागत झाले

४एप्रिल२००९ या दिवशी या नाटकाचा पहिला प्रयोग मुंबईत पु.ल.देशपांडे ऍकॅडमी मधल्या मिनिथिएटर मध्ये झाला. त्याप्रयोगाच्या आधी आणि नंतर वृत्तपत्रांमध्ये प्रसिद्ध झालेल्या बातम्या इथे फोटोग्राफ्स आणि लिंक्स च्या रुपात इथे मांडत आहे.

http://www.loksatta.com/daily/20090502/ch06.htmtm
http://maharashtratimes.indiatimes.com/articleshow/4265746.cms5746.cms


http://www.mid-day.com/news/2009/apr/230409-Mumbai-News-Vagina-Monologues-Marathi-version-vagina-Marathi-langauge-Mumbai-stage.htmVagina-Monologues-Marathi-version-vagina-Marathi-langauge-Mumbai-stage.htm

मागच्या वर्षी ‘नवा माणूस’ दिवाळी अंकात लेख लिहिण्याच्या निमित्ताने माझी या नाटकाशी जवळून ओळख झाली. संशोधनाच्या रूपात गोळा केलेली माहिती पुन्हा एका सृजनात्मक आविष्काराच्या रूपात समाजापर्यंत पोहचविणे आणि त्यातून समाजोपयोगी काम सुरू करणे, ही या नाटकाची प्रक्रिया मला खूप जवळची वाटली. एकप्रकारे मी आजवर ज्या प्रकारचे काम माझ्या संशोधन आणि प्रशिक्षणांच्या निमित्ताने केले आहे, त्याचा पुढचा भाग म्हणजे हे नाटक आहे, असे मला वाटते. मी या नाटकाकडे केवळ एक परफॉर्मन्स या दृष्टिकोनातून पाहतच नाही. या नाटकाचा प्रयोग हे एक साधन आहे. स्त्रियांच्या लैंगिकतेविषयी बोलायला एक ‘अवकाश’ (स्पेस) निर्माण करणारी संधी या नाटकाच्या निमित्ताने तयार व्हावी, हा माझा हे नाटक करण्याचा मूळ उद्देश आहे. या प्रयोगांच्या निमित्ताने स्त्रियांनी आपल्या लैंगिकतेकडे ‘शारीरिक आरोग्य’ या मुद्दय़ापलीकडे जाऊन पाहावे, यासाठी मी प्रयत्न करीत आहे..

This is a blog about my play "Yoneechyaa Maneechyaa Gujgoshti" .It is a first ever marathi translation of the internationally acclaimed play - "The Vagina Monologues"
I will be writing here about the process related to the play.